日本這個城市之中貓不是貓 貓是神!

貓星人真係可以話完全入侵人類,無論世界各地,貓貓都係咁得人鍾意(好多時仲只係單方面鍾意)。不過講到對貓嘅崇拜,一定要講日本廣島縣尾道市,喺呢個小城之中,貓係被奉為神呀!尾道市之中,唔少地方都會見到貓咪嘅壁畫、印刷;街上大量流浪貓,好多地方都專登起一啲涼亭,用意係畀流浪貓入去避雨避寒。當中最有名嘅係「貓之細道」,一條通往山頂千光寺嘅小通道,不時見到好多貓貓四圍攤,兩旁唔少咖啡店及小店,都會有貓貓到處休息討吃,連北川景子都去過抱住貓貓拍廣告。上到千光寺更會見貓嘅雕像,當地人奉貓為神明,可以保佑戀愛運呢!尾道市近排又再次被日本網民留意,因為早前於尾道市立美術館,有一隻貓貓就想走入去,結果費咗保安一大番功夫先抱返佢出去,同樣事件原來上年都發生過喺另一隻貓貓之上。唔少網民都話想知美術館有咩展覽吸引到貓貓成日都想入去參觀,太可愛喇!

「貓之細道」,北川景子都去過抱住貓貓拍廣告。

尾道市到處都有流浪貓貓悠然自得,非常自在。

上年都有貓貓硬闖美術館,失敗後更一臉不爽。

相關文章:

坐擁巴塞隆納全市美景!氣勢磅礡西班牙國家宮

紐西蘭之旅:探索中土世界的秋天

【可動】18米可動高達來了!2020年實物大RX-78-2降臨橫濱

【立即讚好】全新 Yahoo 旅遊 Facebook 專頁
Yahoo 旅遊以全新樣貌登場,Facebook 專頁當然同時煥然一新!立即讚好,每日睇盡旅遊新資訊!