日航空姐機上偷酒飲 偷香檳入廁所隊?

日航近幾個月可謂流年不利,早前一名副機長喺英國執勤期間被驗出酒精含量超標,最後仲要判監幾個月;估唔到近日仲離譜,一位46歲,負責服務商務艙嘅空姐竟然喺機上偷酒飲!日航早前特登開記者會交待事件,話一班由成田飛往夏威夷嘅航班之中,有唔少空姐都聞到呢位46歲空姐身上有酒氣,結果之後要求佢做酒精呼氣測試,發現其體內有0.15毫克酒精,而起飛前嘅測試係0 ; 明顯係喺機上有飲酒。事後發現機上一支香檳被飲晒並且棄於垃圾桶,而該名空姐亦多次被同事見到佢出入廁所,懷疑佢喺機上執勤期間不斷入廁所飲香檳。該位空姐之前已經有類似嘅前科,不過就只係口頭警告,今次事件佢就被下令停職。至於日航嘅CEO都話因為接二連三嘅酒醉事件引起公眾對航班安全嘅不安,因為決定自罰自己今年年終Bonus嘅20%喎,大家又點睇?

日航係日本最大航空公司之一,當然引起震驚。

早前開記者會交待事情,CEO並道歉及自罰。

日航早前有副機長因醉駕並判監,好大件事。

相關文章:

印度愛滋女跳湖自殺 全鎮居民唔敢飲水!

塞爾維亞雀仔雕塑太似生殖器 居民促快拆

日本高中生最想旅遊地點 非本土地點頭十位僅台灣上榜  

【立即讚好】

全新 Yahoo 旅遊 Facebook 專頁

Yahoo 旅遊以全新樣貌登場,Facebook 專頁當然同時煥然一新!立即讚好,每日睇盡旅遊新資訊!