日賣300份雞翼!黃埔雞翼專門店進駐旺角!10款雞翼口味!

新假期 - 飲食

一講起「食雞」,大家當然只會想起去年年中紅爆大眾的手機遊戲「PUBG」,不過今次就並不是介紹遊戲,而是黃埔人氣雞翼專門店經已進駐旺角,繼續獨沽一味只賣雞,所有食材即叫即炸,口味由7款增至10款,包括玫瑰、鹹檸七、避風塘等,一齊去食雞啦!

撰文及圖片:新傳媒資料庫

延伸閱讀:

【超市買呢啲】1月話題零食40款!18禁極辣即食麵+7-11 Oreo雪糕

元朗8間人氣食店合集!限量煲仔飯+花膠湯麵+米芝蓮燉奶 (內附地址)|元朗小店美食

黃埔雞翼專門店進駐旺角

黃埔雞翼專門店是中環Sogno Cafe+的姊妹店,老闆Steve眼見Cafe的玫瑰雞翼人氣高企,加上覺得雞翼本身在味道上可以靈活多變,令人百吃不厭,於是就決定以招牌的玫瑰雞翼做主打,再研發出多款口味,早前打造這間雞翼專門店。

作為Sogno Cafe+的姊妹店,雞翼店也貫徹其文青風格,粉紅色的設計在街頭份外搶眼。
掃街食雞翼好麻煩?門旁的這幅打卡牆就告訴你,食雞翼不須講儀態!

10款雞翼口味登場

1.招牌玫瑰雞翼

今次旺角店繼續以玫瑰雞翼為主打,將炸好的雞翼與自家製玫瑰糖漿同炒,再灑上香草和乾玫瑰花碎而成。類似拔絲的煮法,令雞皮封上了一層如焦糖般的脆皮,食落脆卜卜,內裡雞肉Juicy多汁;味道香甜,玫瑰花味來得天然,易入口之餘唔似香精。

文青風玫瑰雞翼 $38/4件、$48/6件、$128/16件(連2杯飲品)
用自家製的玫瑰糖漿做玫瑰雞翼的醬汁。
糖漿煮至微滾就加入雞翼炒勻。
糖漿稍為放涼後會形成一層焦糖脆皮,雞翼咬落外脆內軟,肉汁Juicy。

2.鹹檸七雞翼

這款由其中一位老闆Steve自創,雞翼醬汁用了七喜汽水和泰國鹹檸檬來做,奉客時更送埋大大粒的鹹檸,雖然食落不及飲真。鹹檸七般濃郁,但味道總算對辦,鹹鹹甜甜,帶點醃檸檬的微酸和微甘。

我係鹹檸七雞翼 $38/4件、$48/6件、$128/16件(連2杯飲品)

3.港式避風塘雞翼

重口味人士必選!炸得香口的雞翼,回鑊與炸蒜粒、辣椒等配料炒成避風塘口味,辣椒落得足,食落有麻有辣,嘴唇微微刺癢,配上金蒜更惹味。

港式避風塘蒜香雞翼 $38/4件、$48/6件、$128/16件(連2杯飲品)
用牛油起鑊,再與辣椒粒、辣椒粉和金蒜炒香。
每隻雞翼蘸滿避風塘辣椒粒,食落刺激惹味。

4.檸香山葵蟹籽雞翼

綠色半透明的是日本芥辣混合青檸汁而成的Wasabi檸香醬,青檸的酸甜平衡了Wasabi的辣勁,食落略帶辛辣而嗆,有淡淡青檸清香,蟹籽在嘴內卜卜爆開,配脆皮雞翼口感豐富。

檸香山葵蟹籽雞翼 $38/4件、$48/6件、$128/16件(連2杯飲品)

5.三重芝士雞翼

專為芝士控而設,用紅車打芝士、大孔芝士及Mozzarella水牛芝士煮成芝士醬,淋在雞翼上再灑芝士粉,啖啖芝香奶香。

濃味三重芝士流雞翼 $38/4件、$48/6件、$128/16件(連2杯飲品)

順帶一提,大盒裝16件雞翼可選兩款口味,但4件或6件則只可選一味。

黃埔 雞翼專門店 玫瑰 鹹檸七 街頭小食 掃街 小店 雞翼山 Sogno Cafe 文青 不要儀態 只想吃雞翼 濃味三重芝士流雞翼 芝士雞翼 港式避風塘蒜香雞翼

除了以上5款之外,今次還推出了黑松露蒜香雞翼、冬陰公雞翼、檸茶雞翼、鹹蛋黃雞翼及金箔雞翼,雞翼控,記得Mark實地址,一齊去食雞啦!

雞翼山

地址:旺角彌敦道700號 T.O.P G14號(顯示地圖
電話:23102055
營業時間:12:00-23:00

延伸閱讀:

8個遊客最愛拍攝的香港景點!|海邊攝影、懷舊香港樣樣齊