昆士蘭海灘出現大批有毒水母 一星期刺傷13,000人

香港就仍然係冬天,好多人外遊都會揀南半球,諗住過下夏天嘅感覺,避一避寒,其中澳洲昆士蘭就係好多人喜歡去嘅旅遊嘅地方,尤其一月更加係玩水好時機。不過近昆士蘭嘅海灘可謂腥風血雨,因為東南海岸突然衝出大量水母,而且唔係一般水母,係有「全球三大毒物」之一嘅「僧帽水母」(Bluebottle Jellyfish),只係一個星期已經有13,000人被刺傷,單單係一個周末已經有3,000人受傷,為去年嘅3倍!僧帽水母有長嘅觸鬚,上滿全部係帶毒嘅細胞,被刺中嘅人會產生劇痛,出現一條深紅色嘅血痕,雖然通常唔會致命,但有啲人天生對呢種毒比較敏感嘅會出現嚴重併發症,甚至死亡。專家話係今年無故出現強勁嘅東北風,令上百萬隻水母隨風吹到昆士蘭岸上,由於僧帽水母外表全藍色帶半透明,好多人唔為意佢哋係水母,呼籲大家見到佢哋千萬咪手多多接觸。

僧帽水母今年大批出現於昆士蘭沙灘上。

外表睇落唔似一般水母,令人唔為意。

被刺傷會出現血痕,產生神經劇痛。

相關文章:

日司機發文「希望年輕人坐優先座?」5個日本坐車迷思

世界最小島國第三小國:諾魯(nauru)

英國夫妻辭職賣屋 環遊世界代替返學學習

【立即讚好】全新 Yahoo 旅遊 Facebook 專頁

Yahoo 旅遊以全新樣貌登場,Facebook 專頁當然同時煥然一新!立即讚好,每日睇盡旅遊新資訊!