春節外遊 點樣買到優惠機票?時機同心態都好緊要

新一年又開始啦,好快又到新年,不少人都會把握春節假期,離港旅遊。相信大家都會想買到優惠機票,但其實要買到便宜機票係一門好高深的學問,又要睇準時機、眼明手快夠果斷揀好機票、再要快手入曬所有資料買機票。臨近農曆新年,到底要點買機票先最精明?

早前旅遊網站KAYAK公佈2019年「最佳預訂時機」指南,指最佳買機票時間會因應目的地而不一樣。如果在合適時間中購買機票,可以節省最多43%。根據指南,前往大阪、沖繩或首爾,提前1個半月買機票便可節省26至36%;若是去台北,最好提前5個半月,可節省17%。最佳時間搜尋機票是在星期五清晨4時,因為搜尋量較少。

除了睇啱購票時機,更重要的是關注各大航空公司的優惠活動 ,只要航空公司推出優惠機票,你立即可以收到第一手資訊,自然可以快人一步搶到特價機票。最後,心態亦都好緊要,機票價格浮動,航空公司會根據情況而調整價格,有時提早預訂的機票可能會比較貴。所以,記住買機票同買股票差不多,呢個世上根本沒有最低價的機票,如果你買到比平時便宜的機票,就已是賺到了。無理由為了等全年最低價的機票而錯過了寶貴的農曆新年假期。

相片來源:  IntAirport@twitter