最新旅遊熱潮 帶住智能公仔去旅行?

旅遊熱潮嘅嘢,好多時都話唔埋,最近又有新一輪嘅潮流出現,講緊嘅就係帶公仔去旅行,可能大家都仲係停留緊同熊熊啤去旅行嘅年代,不過最近就出現咗一隻日本嘅智能公仔,成為大家爭相帶去旅行嘅玩意。

呢個公仔係由時裝設計師Jimmy Choo個仔,亦係英國企業家Danny Choo所設計, 佢喺設計方面都有好多心思。首先係膚色方面就有三種唔同嘅膚色,包括牛奶色、茶色同埋朱古力色,配合返唔同種族嘅人嘅膚色,另外公仔嘅眼精顏色同髮型都可以根據自己嘅喜好去選擇,配合唔同人嘅唔同需要。

同一般傳統嘅公仔唔同,一般公仔係腰部中間都有一條分界線,但係呢一個公仔嘅分界線就改咗係係胸圍後面,令到外觀睇落去更加自然。

除咗咁樣之外,呢一個公仔都被設計為唔需要支架支撐嘅, 咁主人係帶佢去旅行嘅時候隨時隨地都可以同佢影到靚相,就算自己一個去旅行都唔使覺得得自己影好悶啦。不過,小編我自己本身就覺得,好怪囉⋯⋯

有咗呢個公仔就去到邊都唔使驚得自己一個影相啦。

設計師Danny Choo又同自己設計嘅公仔影返張先。

總係有啲人鍾意帶住公仔過自己一齊去旅行。

相關文章

「去到日本無理由唔買」但返到屋企得個擺字 買完齋擺的5大商品

旅行時仍然低頭族上身 最常玩手機的4個情境

旅行依賴症 你有幾嚴重?如果中晒5樣 出發前記得同旅伴講聲

【立即讚好】全新 Yahoo 旅遊 Facebook 專頁
Yahoo 旅遊以全新樣貌登場,Facebook 專頁當然同時煥然一新!立即讚好,每日睇盡旅遊新資訊!