【本地周末遊】西環一日遊!食高質西餐+住海景青年旅舍!

假期得一日半日,去唔到短線遊,又唔想留係屋企頹過?其實,香港仲有好多「祕境」未被發掘!只要識玩識plan,留係香港都可以過得好充實難忘。為咗等你哋有個愉快假期,今次我哋精心設計咗本地一日遊行程,透過食、住、行,比你體驗一個不一樣嘅香港。

上午:海洋主題遊樂場 野餐+打卡 

2018年啟用嘅中西區海濱長廊—西區副食品批發市場段交通方便,由香港大學站B2出口行去,都只係8分鐘嘅路程。沿途望向一片海港,吹吹海風打打卡,非常寫意!公園內分咗4個園區,想享受親子樂嘅話,哩到嘅海洋主題遊樂場絕對推介,小朋友可化身船長,登上木製嘅滑梯小船,一嘗航海嘅滋味,仲可以使用望遠鏡刺探軍情。如果同閨蜜或另一半到來,去旁邊嘅休憩草地就最適合不過!個到空間大,環境優美,坐係吊臂起重裝置前野餐,獨有一種風味。

相片來源:wonghang327@ig

西環碼頭超多打卡位

難得放假,梗係要開心紀錄與親朋好友相眾嘅一刻!未影夠相?唔緊要。事關離公園好近嘅西環碼頭完全係個打卡位,個到除咗可以睇到夕陽晚霞外,亦有大片竹棚、貨櫃及燈柱,影出嚟嘅相有點懷舊城市嘅味道。聽講,哩到水質都幾唔錯,好彩嘅隨時釣到泥鯭或石斑,夜晚黎個「全魚宴」。

相片來源:gogogo_kk_gor @ig 

西環碼頭

地址:西環石塘咀西區公眾貨物裝卸區

中午:毛孩都去得!Jaspas Restaurants 嘆西餐

玩到身水身汗,當然要食野補充體力。Jaspas Restaurants 係唔錯的選選,食品種類多,除咗一般西餐食品之外,仲提供唔少另類選擇,包括四川辣椒炒青口、墨西哥雞肉夾餅等,啱晒諗唔到食咩嘅你哋!雖然食品價格唔平,但勝在用料新鮮。而且環境舒服,望住出外嘅大街小巷,電車行人川流不息,獨具一種慢活情調!如果你有狗狗,呢度仲好歡迎小動物內進!

地址:西環堅尼地城吉席街83號地下B號舖

電話:28720823 

晚上:暑假抵住之選 $234望海過夜

住民宿並非係去旅行嘅專利,係香港都可以!間中到旅舍渡假,可以助你暫別繁忙嘅生活。賽馬會摩星嶺青年旅舍住宿,係團購到做緊暑假大優惠,每人只需$234,就已經可以住到海景房,欣賞星空夜景,朝早醒嚟仲可以嘆返個早餐。雖然洗手間要共用,但整體環境都算整潔實用,旅舍仲提供免費Wi-Fi。你哋亦都唔洗怕悶親,事關附近景點多多,訓醒覺就可以同朋友行下登山小徑,沿途欣賞大自然各種生物!不過,要預訂嘅朋友就要趁早,因為報名人數眾多,優惠期亦只去到 9 月 12 日。

地址:薄扶林摩星嶺徑123號

電話:2788 1638

預訂:https://hk.deals.yahoo.com/hong-kong/offer/1372686

【立即讚好】全新 Yahoo 旅遊 Facebook 專頁

Yahoo 旅遊以全新樣貌登場,Facebook 專頁當然同時煥然一新!立即讚好,每日睇盡旅遊新資訊!