本年度四大必去 陽光與海灘勝地

最近天氣開始熱,又係時間提醒大家夏天好快就會到,相信好多朋友都計劃緊新一年嘅行程。每逢夏天,一啲東南亞嘅國家都會成為熱門嘅旅遊勝地,好似泰國呢啲可以上山下海嘅地方,就深受遊客歡迎。不過如果鍾意陽光與海灘,其實仲有好多國家可以選擇,今日就等小編同係呀介紹4個泰國以外嘅陽光與海灘嘅選擇。

1.土耳其

雖然土耳其近年政局動盪,不過土耳其的確係一個唔錯嘅度假勝地,除咗有好多民族風情嘅景點之外,當地嘅沿海城市都係一個適合去渡假嘅地方,而與一年前相比,土耳其里拉嘅匯率都顯著下降 ,而馬爾馬里斯係其中一個成本較低嘅度假村,很受旅客歡迎。

sweet-freedom@tumblr

2.保加利亞

大家對保加利亞可能比較陌生,不過呢個座落喺巴爾幹半島嘅國家絕對係其中一個唔可以錯過嘅旅遊景點,保加利亞係歐洲第三豐富古蹟嘅國家,呢度可以見到好多歐式建築,而且黑海沿岸嘅海灘長年都燦爛陽光,絕對係夏季去旅行嘅寫意之選。

elinaafi@tumblr

3.阿爾加維

隸屬於葡萄牙嘅阿爾加維,係喺歐元區入面成本最低嘅度假區,呢度有各式各樣嘅陽光與海灘,唔單只係擁有歐洲最長嘅全年日照時間,而且地貌豐富多樣,好似係天然嘅山丘同埋湖泊,而且喺呢度你仲可以搵到豪華嘅賭場,渡假Feel又唔會悶親。

diogofalmeida@tumblr

4. 紅海度假村

如果想感受中東嘅異國風情,埃及紅海度假村係唔錯的選擇,好多人對於埃及嘅印象都係停留喺遊覽尼羅河同埋神廟仲有金字塔,不過其實係紅海地區係好適合進行沿海活動。紅海地區幾乎全年都唔會落雨,而且仲有豐富嘅珊瑚礁同魚類,深受潛水愛好者歡迎。

lifeofsamoyeds@tumblr

相關文章

週日長知識!16件關於冰島你不知道的事

行李手提到處跑!超輕便行李執拾心得|輕便上路不寄艙

紐約人氣漢堡Shake Shack登陸中環IFC!5款必試美食你要知

【立即讚好】全新 Yahoo 旅遊 Facebook 專頁
Yahoo 旅遊以全新樣貌登場,Facebook 專頁當然同時煥然一新!立即讚好,每日睇盡旅遊新資訊!