機師探頭自拍嚇壞人 真相原來得啖笑!

機師一定係非常講究安全,雖然我哋之前介紹過唔少靚仔靚女機師好鍾意喺駕駛艙自拍,不過都相信係出於安全情況下先咁做。不過近日網上流傳一輯相片就嚇親好多人!一位巴西機師Daniel Centeno就喺自己IG貼出一系到機上自拍照,但竟然係佢探頭出機艙外嘅照,其實莫過話揸飛機,揸車咁做都好危險啦!照片中Daniel仲要有豎起手指公、又用自拍棍滿臉笑容,神情輕鬆;事件之後果然立刻被廣傳,無數網民炮轟Daniel妄顧乘客安全啦。不過好快事主Daniel就出嚟澄清,佢的確係做機師,不過呢輯相就係全部係PS合成出嚟嘅。因為佢自己除咗揸飛機叻之外,PS都一樣好叻!Daniel話純綷希望畀人有耳目一新嘅機艙相,估唔到大家反應咁好。其實事實上係無可能做到,因為任何飛機窗如何打開都會有巨大壓力,莫講話自拍,恐怕有即時生命危險。不過就算唔使用到專業知識,其實只要睇清少少,Daniel喺照片入面嘅髮型完全無被吹倒,就知係合成啦!

Daniel將自己合成喺杜拜空中自拍,好壯觀呀!

Daniel仲用自拍棍伸出窗外自拍,極度逼真。

Daniel除咗揸飛機叻,PS技術都無得彈。

相關文章:

大廈天台建跑道 倫敦人返工不忘做運動

【美洲第一峰】阿根廷 阿空加瓜山 Aconcagua

過萬呎Lego House 月底於丹麥正式開幕    

【立即讚好】全新 Yahoo 旅遊 Facebook 專頁
Yahoo 旅遊以全新樣貌登場,Facebook 專頁當然同時煥然一新!立即讚好,每日睇盡旅遊新資訊!