每日游8個鐘 法國游泳好手挑戰游水橫渡太平洋

尋日同大家講過地中海海洋垃圾勁升4成,其實唔止地中海,世界各個海洋無一不受垃圾威脅,有人會自志願者身份去幫手清理,有人就有更大宏願去喚醒全球對事件嘅關洋,好似法國游泳好手Ben Lecomte,日前就喺日本千葉出發,準備游水橫渡太平洋,挑戰目前尚未有人做到過嘅創舉!Ben每日將會游8個鐘,然後會登上隨行嘅帆船Discovery上面休息,並食用8千卡路里食物,然後翌日再落水前進。整段水域全長9,000公里,要經過非常有名嘅太平洋垃圾島海域,世界各地嘅海洋垃圾被積聚於當地,可以話係極難游水前進。當然途中仲有唔少挑戰,例如颱風、鯊魚等危險。原來Ben大有來頭,曾經於1998年,就試過橫渡大西洋;今次旅程佢就足足準備咗4年,不斷訓練體能,亦同埋鍛練精神意志,確保旅程可以順利完成!

Ben Lecomte大有來頭,今次挑戰自己為咗喚醒大家對海洋垃圾嘅關注。

曾經一個人橫渡大西洋,今次用咗4年時間準備。

太平洋垃圾島連船都難行,何況要游水前往!

相關文章:

其實日本無你想像中咁安全 4招教你女生自保

世界上5大最好的獲獎摩天大廈建築

享受沙漠底下的奢華 Scarabeo Camp

【立即讚好】全新 Yahoo 旅遊 Facebook 專頁
Yahoo 旅遊以全新樣貌登場,Facebook 專頁當然同時煥然一新!立即讚好,每日睇盡旅遊新資訊!