油麻地甜品店am.pm 流心布丁梳乎厘班戟系列

新假期 - 飲食

油麻地人氣甜品店am.pm以梳乎厘班戟起家,受歡迎到連周潤發發哥、Running Man都食過!最近店子新推出流心布丁梳乎厘班戟系列,有黑朱古力、白朱古力、抹茶和雜莓共4款口味,即睇詳情!

撰文:Joan 圖片:LamLam、官方圖片

延伸閱讀:

King Ludwig德國餐廳指定身份證號碼 免費食德國腸拼盤+燒豬手

【食是食非】港人缺乏Omega-3營養!黃花魚含量最高 食蠔都OK

油麻地am.pm 梳乎厘班戟甜品店

梳乎厘班戟入口鬆軟,是近年極受香港人歡迎的甜品之一!油麻地甜品店am.pm開業兩年,店子主打梳乎厘班戟,班戟圓潤大件,入口軟綿富空氣感,而且不時有新口味推出,款式新穎加上賣相IGable,搞到經常有人龍排隊等食!紅到連周潤發發哥、Running Man主持們都有食過!

店子是外賣店,無位坐。黃色校巴外型非常搶眼,即使是平日下午時份,也要排隊等班戟。
周潤發發哥都有食過小店的出品,當然少不了來張發哥揸機自拍相,想知發哥食過邊款班戟?繼續睇下文啦!(圖片來源:am.pm Hong Kong Fb 專頁)
三位Running Man主持人劉在錫、池錫辰和全昭旻在香港「野生捕獲」發哥周潤發的環節中,也曾到訪多個發哥常出沒的食店碰運氣,雖然就捕獲唔到發哥,但都食過發哥食過的梳乎厘班戟。(圖片來源:am.pm Hong Kong Fb 專頁)
圓潤大件的梳乎厘班戟,一眾主持都睇到O咀!(圖片來源:am.pm Hong Kong Fb 專頁)

招牌梳乎厘班戟 即叫即製

梳乎厘班戟的做法是店主Ray跟日本朋友學的,每件的份量、用料都不斷調校,班戟漿用時令雞蛋、日本麵粉製成,班㦸漿擠在熱爐上,以煎焗方法整作,每份即叫即製,賣相堅挺圓潤,入口有梳乎厘的空氣感,又有班戟綿密口感,就咁食都夠滋味。

梳乎厘班戟件件都肥嘟嘟,大家都看著店員擠班戟漿,過程好療癒。
蒸焗幾分鐘後,再起勢一反,焗多一陣就食得,即叫即製,要耐心等候。
梳乎厘班戟可單點,$30/份,非常抵食。

全新推出!流心布丁梳乎厘班戟

新推出的流心布丁梳乎厘班戟系列,每份有兩件梳乎厘班戟,上面再放流心布丁,布丁一共有4款口味,包括黑朱古力、北海道白朱古力、靜岡抹茶和野莓口味,布丁先焗好再雪凍,一批布丁要用6小時製作,所以每日限量發售,賣晒就無!

黑朱古力流心布丁梳乎厘班戟 $45(配牛奶/士多啤梨/扭紋雪糕另加$10)
一切開,朱古力即洶湧而出!
用北海道80%生朱古力 製作,加上黑朱古力醬和黑朱古力粉,味道超濃郁,所以食多幾啖好快膩,細食的記住搵Friend Share。
白朱古力流心布丁梳乎厘 $45
北海道白朱古力布丁加白朱古力醬和白朱古力碎,甜香爆棚,好多女仔都鐘意。
抹茶流心布丁梳乎厘班戟 $45
用靜岡抹茶粉製,茶味清香回甘,不會太甜,記者私心推介!
野莓流心布丁梳乎厘 $45
用士多啤梨、紅莓和藍莓製作,粉紅色賣相好吸引,酸味清新天然,上面還灑上爆炸糖,入口幾過癮。

發哥最愛 炎燒布丁梳乎厘班戟

如果你都想同Running Man主持一樣,跟住發哥搵食,就要試試發哥最愛的炎燒布丁梳乎厘班戟,兩件梳乎厘班戟加上淋上牛奶吉士醬,灑上一層黑糖、黃糖和白糖,再以火槍輕炙糖面,食落口感似法式焦糖燉蛋,記住要一叉拮起薄脆焦糖面、香甜吉士醬和鬆軟班戟,蘸埋雪糕食,一冷一熱,

炎燒布丁梳乎厘班戟配雪糕 $60

飲品也有新品!這款百年之蜜蘋果飲層次豐富,杯底先放一層青蘋果爆炸糖,再倒入日本青森蘋果汁,面層再鋪層芝士奶蓋、棉花糖和用蘋果汁冰球,淋上百年之蜜,賣相夠靚!蘋果汁清甜冰爽,

百年之蜜蘋果飲 $38
用了百年之蜜(左)和青森蘋果汁調配,青森蘋果汁是純 100% 果汁,用上青森縣產5種優良品種蘋果製作,帶清甜果香。

am.pm

地址:油麻地彌敦道560號譽發廣場地下B舖(顯示地圖
電話:2725 4318
營業時間:1pm-11pm(年初一5/2休息一天)

延伸閱讀:

【出街搵食】中環ABC開燉湯店椰子燉雞+黑蒜螺頭|中環外賣店