法國夜店請機械人跳舞 全場High爆!

人工智能開始進入大家嘅生活,早前報道過機械人幫手做酒店職員,甚至成為僧侶,今次機械人又「撈」多一項職業,就係Dancer!

法國南特市一間夜店,近日就引入咗兩部機械人,喺店內大跳鋼管舞!呢兩部機械人由英國藝術家Giles Walker設計,純白色設計,以女性造型而製,有突起嘅胸部而且腳穿高跟鞋,由塑膠皮膚所覆蓋,除咗機械頭之外,其他外型都同真人無異。兩部機械人動作好流暢,感應節拍去做出各種舞蹈,而且難度仲好高。兩部機械人唔會長駐,只會留一個月,之後就會去其他夜店繼續表演。有夜店嘅真人員工就話,唔擔心會搶走佢哋份工,因為「機械人無法展現人類嘅美感同藝術性」,大家又覺得係咪呢?

兩部機械人識得隨音樂節拍跳鋼管舞!

會於法國南特市一間夜店駐場一個月。

設計者為Giles Walker,擅長設計唔同嘅機械人。

相關文章:

用特權-伊朗搭的士變救護車

心機製作手工貨-葡萄牙阿爾加維-三大必買精品

秋季旅遊-賞楓-浸溫泉-嚴選三大秋天限定旅行團


.

【立即讚好】全新 Yahoo 旅遊 Facebook 專頁

Yahoo 旅遊以全新樣貌登場,Facebook 專頁當然同時煥然一新!立即讚好,每日睇盡旅遊新資訊!