法國新規例馬路時速降至80公里 全國人民反對

歐洲好多人都知馬路嘅時速係比香港都要高,唔計德國嘅高速公路係誇張到無時速限制,而鄰國法國都係比較開放嘅國家,但近日由總統馬克龍立下嘅新法例,就係全國降速,由原本時速上限90公里減至80公里,全國一共40萬個時速牌都開始更換成「80」,但呢個政策令全國人怨聲載道,甚至連本身係馬克龍嘅支持者都出聲話佢喎。其實總統嘅出發點係好嘅,因為法國死於車禍嘅人數逐年增加,好多都係因為車速過高,於是希望減車速上限阻嚇大家開快車;不過大部分法國人都話,幾乎9成嘅車禍都係發生喺人多車多嘅巴黎,所以根本無需要全國一齊降速,只需要巴黎降速就可以;令唔少國民都話馬克龍並唔適合做法國總統,只係「巴黎總統」,非常離地,因為平日鄉間無車嘅環境之下仲要行80 ,實在係浪費時間咁話。其實香港普遍高速公路都係行80 ,相信香港人應該會無感啦!

法國總統規定所有高速公路上限時速改為80 !

法國唔少駕駛人士都表示反對,覺得多此一舉。

全國40萬個路牌全部更換成80公里。

相關文章:

外遊注意!出國時10件穿搭禁忌 | 旅遊自保秘訣

亞洲最大 Marvel 主題樂園即將於泰國開幕

旅遊遇地震怎麼逃?4大保命原則要記住

【立即讚好】全新 Yahoo 旅遊 Facebook 專頁
Yahoo 旅遊以全新樣貌登場,Facebook 專頁當然同時煥然一新!立即讚好,每日睇盡旅遊新資訊!