法羅群島推義工旅遊 遊客要修橋舖路?

旅客對一個地方嚟講帶嚟除咗經濟收益,但同時難免對該地方造成負擔,唔少城市都受到遊客過多嘅問題,導致當地出現好多不同情況。位於挪威、冰島之間嘅小國法羅群島,今年就剛剛推出一項新項目,將國家入面11個遊客最多嘅小島封島兩天,並且向全球招募咗100位義工,於各個島上進行維修工程。

好多志願者都係遠道而來,例如有人來自澳洲,可以話係地球另一邊。志願者要自己買機票,法羅群島就包佢哋住宿同一日三餐。唔好以為維修工作好容易,志願者好多需要搬石頭、補路、整路牌等,兩日工作中有唔少人身上都有大大小小嘅損傷。不過全部志願者都覺得好有意義,寓遊覽於工作,好多人話覺得可以為自己旅遊地方出一分力,感覺唔會單單只係消耗當地資源,仲可以回饋返該地方。義工旅遊呢個方法可以話係雙贏局面,其他受遊客過多困擾嘅地方,不妨考慮一下。

法羅群島招募咗100位來自全球嘅義工。

封咗11個小島一共兩日,志願者於島上幫手。

工作包括整路牌、維修石柱等,多數係體力勞動。

相關文章:

秋季旅遊-賞楓-浸溫泉-嚴選三大秋天限定旅行團

遲來先落order-英國酒吧推出人面識別系統

福岡三大新酒店比併-露天大浴場-近博多站-設消毒衣櫃


.

【立即讚好】全新 Yahoo 旅遊 Facebook 專頁

Yahoo 旅遊以全新樣貌登場,Facebook 專頁當然同時煥然一新!立即讚好,每日睇盡旅遊新資訊!