海外婚紗相攻略 5大新興婚攝目的地

結婚係一生人一次嘅大事,而影婚紗對於一對新人來講都係唔能夠缺少嘅一環。近年去海外影婚紗相成為咗唔少情侶嘅選擇,日本、台灣、韓國可以話係最熱門嘅地方,好嘅地方就係又近又平,不過就可能個個效果都係差唔多,如果你想影特別嘅婚紗相又驚洗費太貴 ,咁就唔可以錯過Skyscanner 以下呢五大推介地同同慳錢攻略啦!

1.冰島
講起冰島大家都會第一時間諗起睇極光,其實冰島嘅自然環境可以話係佢嘅天然優勢,雄偉嘅山脈同崎嶇嘅地形著稱非常適合拍攝獨一無二嘅壯觀婚紗相。如果你都想係大自然景觀同晶瑩剔透嘅冰川前記錄你人生最美麗嘅一刻,冰島一定係你嘅不二之選,造型猶如飛機直插雲霄嘅哈爾格林姆教堂絕對係你唔可以錯過嘅地方。

小貼士:11月份嘅冰島拍攝冬日婚紗相嘅最佳時機,每日平均氣溫係攝氏四度, 所以記得帶足夠嘅禦寒衣物,而且11月份亦都係北極光嘅出未時機。

外遊最優惠月份:11月,可節省14%的旅遊開支
至抵訂票時機:出發前15星期

iskariotrising@tumblr

2.布達佩斯
布達佩斯有「中歐巴黎」嘅美譽,係歐洲數一數二嘅活力之都。鎖鏈橋、漁人堡等地標你又點可以錯過啊。醉人嘅城市風光為你帶來美感與休閑並重嘅婚紗相,而且布達佩斯嘅開支比其他歐洲城市來講比較低,適合要錫住荷包嘅你。

小貼士:布達佩斯係三月踏入春天,氣溫迅速上升。當地日間平均最高氣溫接近攝氏十度,而每日平均日照九小時,係拍攝春光明媚婚照嘅理想之選。

外遊最優惠月份:三月,可節省19%的旅遊開支
至抵訂票時機:出發前三星期

from weigert images

3.布拉格
上年馮德倫同舒淇係布拉格拍攝婚紗相之後就帶旺咗當地人氣,成為咗2017年海外婚禮熱點。著名嘅舊城廣場、查理大橋同色彩繽紛嘅巴洛克建築係渴望童話浪漫主義嘅不二之選。

小貼士: 如果係11月下旬前往布拉格拍攝婚紗相,有可能拍到浪漫嘅冬日雪景。布拉格係十一月每日平均日照四小時,無需擔心因天氣陰沉而令相片效果唔理想。

外遊最優惠月份:11月,可節省12%的旅遊開支
至抵訂票時機:出發前16星期

from Artur Jakutsevich.com

4.斐濟
如果自命鍾意陽光與海灘,斐濟絕對係首選。斐濟由多個美麗小島組成,不過旅遊景點就有待開發。怡人嘅海灘、壯觀嘅海底世界同多姿多彩嘅民族風情相比起優雅嘅婚紗相多咗份活力,而且影相之餘仲可以去潛下水,諗得過㗎!

小貼士:  11月份嘅斐濟氣候溫暖宜人,海水溫度適宜,非常適合旅遊。不過11月適逢潮濕季節,就算陽光猛烈都可能有驟雨,既可以選擇陽光與海灘嘅拍攝場景,又或者雨中拍攝玩味十足嘅婚紗相都得㗎。

外遊最優惠月份:11月,可節省12%的旅遊開支
至抵訂票時機:出發前18星期

nancyybabyy-blog-blog@tumblr

5.沙巴
沙巴群島同斐濟一樣靜謐宜人,而且遊客數量唔多。當地有好多私人島嶼開放俾新人拍攝婚紗相。沙巴擁有海灘、熱帶雨林同珊瑚礁等,而且仲有好多野生動物。至於西巴丹島同馬布島呢兩個沙巴離島,就係潛水控唔能夠錯過嘅勝地。

小貼士: 五月份嘅沙巴天氣炎熱,降雨量低,適合遊覽當地。一般來講有持續普照嘅陽光、氣候乾燥,不過有時會有驟雨,特別係熱帶雨林。每年五月,沙巴每日平均氣溫為攝氏29度,旅客可以考慮係天清氣朗下拍攝充滿熱帶風情嘅婚紗相。

外遊最優惠月份:五月,可節省21%的旅遊開支
至抵訂票時機:出發前11星期

from joyeshi studio

資料來源:Skyscanner

相關文章

同姓男子搭飛機 錯機票照俾上機?

有趣格言 有國家敢以:「統治世界」為目標?

Work Travel無難度|「現代遊牧民族」必備的11個網上工具

【立即讚好】全新 Yahoo 旅遊 Facebook 專頁
Yahoo 旅遊以全新樣貌登場,Facebook 專頁當然同時煥然一新!立即讚好,每日睇盡旅遊新資訊!