港人愛自助餐 旅行都要食 5類高危食物暗藏肚屙危機

香港人好鐘意食自助餐,但香港自助餐價錢愈來愈貴,不少人選擇旅行個陣食自助餐,好似泰國、日本、台灣等,食物款式多,價錢比香港的平宜,最適合一大班朋友大快朵頤。但唔講唔知,自助餐都暗藏「危機」,有幾類食物食完之後,好容易肚屙,唔想去因此而破壞整個行程的話,不如參考以下幾款享用自助餐時的「高危食物」。

芽菜

日本的火鍋自助餐,好多時都有芽菜,但芽菜在潮濕環境中生長,很難徹底清潔乾淨。而且你根本唔知道餐廳有無洗乾淨,分分鐘食曬啲細菌落肚。

壽司

大家去食自助餐,鍾唔鍾意食壽司,魚生呢?如果係嘅,都是少食為妙,因為你根本唔知道壽司的材料來自邊度,衛生情況如何。如果你想食到新鮮的壽司,自助餐絕對不是最好的選擇。

油炸食品

自助餐用來炸食物的油,品質多數都不太好,可能已經過多次使用。炸出來的食品,品質沒有一定的保證,亦可能有油膉味。

沙律

自助餐的沙律,保存很長時間,容易受到污染和食源性疾病,食完之後好容易肚屙。

飲品

自助餐的果汁多數都不是100%純新鮮現榨的,而是加了很多糖混合而成。而且果汁機不會經常清洗,清潔程度有待改善。


相片來源:  rodolfo9999@tumblr