港客自駕遊違泊遭拖走 好彩有好心台灣人幫手

近年好多香港人四出海外自駕遊,的確自己開車四圍去,時間又自由又可以去到唔少交通不便嘅旅遊點,難怪咁受歡迎。不過與此同時都帶出唔少問題,除咗因為唔熟悉道路而產生嘅危險意外之外,仲有因為唔熟規則而造成違規問題。近日台灣「爆料公社」就有一位香港人出文,話日前去台北自駕遊期間,因為唔知黃線上唔可以泊車,將車泊低咗就去咗Shopping,之後返嚟發現汽車不翼而飛,嚇到佢哋以為畀人偷車!但本身又無當地電話咭,求救無門。好彩附近有一對台灣夫婦見狀走嚟主動幫手,一睇地下用粉筆寫咗,原來架車因為違泊被拖去附近嘅保管場。於是教呢對港人坐的士去,但禍不單行,佢哋落車的士之後發現跌咗電話喺的士上!於是去到保管場拎車之餘再搵當值人員幫手,檢查CCTV睇返的士車牌,最後成功聯絡司機拎返電話。呢對香港人貼文,表示多謝「感到台灣人滿滿的人情味,好感動,謝謝。」仲引起唔少台灣網民熱情留言「謝謝你喜歡台灣」。

香港遊客自駕遊,最後因為違泊被拖車拖走。

地面上有寫拖走去咗邊個保管場。

台灣其實同香港一樣,只有寫明可以停車嘅地方先泊得車。

相關文章:

八米高巴黎鐵塔超吸睛!菊展賞花郊遊好去處

【北海道】十大必吃札幌美食:湯咖哩、烤羊肉、海鮮還有蝦夷鹿推薦店家整理!

尼泊爾引入機械人侍應 聊天送餐貼心服務

【立即讚好】全新 Yahoo 旅遊 Facebook 專頁
Yahoo 旅遊以全新樣貌登場,Facebook 專頁當然同時煥然一新!立即讚好,每日睇盡旅遊新資訊!