生活再差 旅行都會讓你記起的5件事

新一年不知不覺就開展咗,大家對於新一年有咩期望呢?可能好多朋友只係希望新一年可以順順利利,少啲麻煩嘢,其實生活遇上不如意嘅事,大家不妨俾個機會自己行開下,好好安撫下自己嘅需要,就算只係一個簡單嘅短途旅行都好,去提醒自己以下呢五件事, 祝願大家都有個好開始。

1.最緊要「笑」

平時大家係工作同私人事務上對住唔同嘅壓力,好多時會失去咗應有嘅笑容,一個簡單嘅旅行放慢生活節奏,揾返嗰個失落咗嘅笑容。

2.學習接受生命的不確定

係香港大家都習慣咗乜嘢大小事都要跟自己嘅計劃而行,有少少同自己預設唔同嘅時候就會容易覺得失望同煩躁,旅行嘅時候可以提醒大家重新習慣生命嘅不確定性,享受每一個當下。

3.珍惜同行者

去旅行嘅時候無論係陪伴你嘅身邊好友,定係旅途上遇到嘅新朋友,都要好好記住陪你走過低谷嘅人,生命時刻都充滿難關, 有咗佢哋你就唔會孤單。

4.留意身邊的小事

係香港繁忙嘅生活節奏之下,好多時會比一啲責任同慾望束縛住我哋,唔會留意身邊嘅微細事物,甚至忽略好多關心我哋嘅人同事,當踏上旅途嘅時候,會重新發覺比起好多人,自己已經算係幸運。

5.找回真正自己

人越來越大,好多時我地習慣咗掩飾,失去咗真正嘅自己,甚至做出一啲自己都唔夠理解嘅行為,旅行就係一個沉澱嘅好機會,等我哋搵返真實嘅自己。

相片來源:wetraveled@tumblr