神仙B重現大銀幕 8部經典港產片戲院再上映

香港電影係香港人嘅集體回憶,好多經典電影一直影嚮到宜家呢一代人,不過始終年代久遠,好多戲其實都早已落畫,要睇的話只能夠喺電視到重溫。不過機會嚟喇,想感受呢啲經典電影重現大銀幕,大家可以開始撲飛喇。商台同嘉禾院線合作,6月10日起喺奧海城戲院會一連8個週末,放映8套經典港產片,包括《三五成群》、《英雄本色》、《表姐你好嘢》、《秋天的童話》、《黑太陽731》、《伊波拉病毒》、《癲佬正傳》、《唐山大兄》,即係話各個經典角色人物例如神仙B、船頭尺、鄭大姐、Mark哥等等,將會喺戲院等大家!其中有3套都係三級片,而當中《伊波拉病毒》由邱禮濤同黃秋生合作,血腥暴力於一身,可以話係香港Cult片之祖;仲有《黑太陽731》同樣係恐怖過宜家嘅電影好多!當年大家好可能仲係細路仔,入唔到戲院等,今次就係好機會喇!想訂飛,宜家已經可以上去院線網站訂購喇。

電影時間表可以睇呢度,每日一套,有買趁手!

《三五成群》又係一套經典,當中嘅阿雞同神仙B,相信大家仲記得。

《伊波拉病毒》有大量變態及血腥鏡頭,當年可謂震驚影壇。

相關文章:

港女不懂撒嬌?女生旅行時4大舉動睇岀佢有機心

肥就是美 西非毛里塔尼亞全國第一美女 震驚全球

杜拜除咗有錢之外 你所不知道的四大優勢

【立即讚好】全新 Yahoo 旅遊 Facebook 專頁
Yahoo 旅遊以全新樣貌登場,Facebook 專頁當然同時煥然一新!立即讚好,每日睇盡旅遊新資訊!