【秋季旅遊】賞楓+浸溫泉!嚴選三大秋天限定旅行團

踏入九月,天氣開始無咁熱,氣溫相對下跌,相信好快就會來到秋天。不過香港秋天非常短,難以長時間享受當中秋高氣爽嘅好季節,所以最啱係去外國慢慢Enjoy!以下嚴選3大旅行團,大家可以盡情享受秋天嘅舒適同風和日麗,活動各有不同,大家睇下邊個啱自己啦!

日本東北即摘水果

推介指數:****(五星為滿分)

性價比指數:****

秋天自然係秋收好時機,亦係水果收成期;呢個去日本東北旅遊團,主要遊青森、秋田、岩手、宮城幾個縣,全部都係日本農業出口最出名嘅縣,當中種植嘅水果聞名全國。呢個團會同團友暢遊唔同嘅農場,例如青森蘋果等。另外會去古川市場食即捕即製海鮮丼;住宿方面有3晚會入住溫泉,正呀!

到青森出名嘅蘋果農場即摘即食,當然可以買返去做手信。

古川市場有新鮮海產,海鮮丼當然無得彈。

其中會入住青森嘅南田溫泉,有蘋果溫泉呢!

日本東北6天團(AJTBRS-6D)

團費:$12,999

出發日期:11月14日至11月28日

查詢:星辰旅遊  2519 8088

報名:按這裡

濟洲賞絕景餵草泥馬

推介指數:****

性價比指數:*****

呢個秋天限定嘅旅行團,去濟洲及釡山,最特別係會去花鳥園,可以同當地幾十隻草泥馬親密接觸,而且可以餵食,打卡一流。另外會去釡山馬丘比丘「甘川文化村」,欣賞當哋傳統嘅古屋村及玩下天然染色Workshop等。秋天時分,會去埋大渚生態公園睇粉紅亂子草,亦會去漢拿山睇紅葉!

花鳥園有唔同種類嘅動植物,草泥馬當然最受歡迎。

甘川文化村又稱為小王子村。

漢拿山紅葉只有9至10月有得睇咋。

濟洲、釡山5天團(CJJ05-ZGL)

團費:$3,399

出發日期:即日至11月10日

查詢:康泰旅行社 2108 8888

報名:按這裡

北海道賞楓之旅 

推介指數:*****

性價比指數:***

北海道冬天極凍,漫天冰雪,不過秋天卻係秋高氣爽,溫度極佳!呢個團主打賞楓,5日行程當中有2日全日睇紅葉,包括去大雪山國立公園、坐纜車上黑岳、 屈斜路湖、阿寒湖等,全部都係全國有名賞楓名所!另外會入住2晚溫泉酒店;亦會遊埋札幌小樽運河、北廣島三井Outlet。行程豐富,適合一家大細!

層雲峽係著名賞楓場點之一。

包坐纜車上黑岳之頂睇紅葉。

淺遊札幌,前後留半日左右。

北海道5天團(AJSCA05M)

團費:$7,699

出發日期:即日至11月30日 

查詢:永安旅遊 2928 8882

報名:按這裡


【立即讚好】全新 Yahoo 旅遊 Facebook 專頁

Yahoo 旅遊以全新樣貌登場,Facebook 專頁當然同時煥然一新!立即讚好,每日睇盡旅遊新資訊!