秘魯新招保護動物 發展觀光不再捕殺!

世界上好多瀕危動物,都因為過度捕獵而絕種;秘魯北部就有一種魔鬼魚名為巨型鬼蝠魟(Giant Manta Ray),一直以嚟由於其藥用價值,被當地人捕殺,更陷入滅絕嘅地步。不過當地政府就心生一計,大力生展當地旅遊配套,宣傳潛水旅遊,等遊客可以於水中面對面接觸呢種巨型生物,另一方面亦係等如利誘當地人,以遊客經濟換取捕獵收入。果不其然收到良好效果,目前所有前去海域嘅漁船都唔再係捕獵船而係遊客船,當地人都知道巨型鬼蝠魟係佢哋生財工具,而且可持續發展,係長遠過捕獵呢種方法,所以會珍惜及保護佢哋。有漁民就話過往喺水入面見到巨型鬼蝠魟,會用魚叉刺殺佢哋;但如今只會享受同佢哋一同游,甚至見到蝠魟遇險被漁網所困,會出手相救。過往嘅漁民都放下魚叉,成為導遊,收入不減反增!呢種全新嘅保育方法,真係可以考慮推廣至世界各地,邊個話旅遊同保育唔可以相並存呢?

巨型鬼蝠魟係秘魯北部海洋嘅瀕危動物。

唔少漁民變身成導遊,由捕殺變保育。

過往呢度係捕獵勝地,已成過去。

相關新聞:

感情加溫浪漫滿分-全球13大情侶必遊城市

好旅伴難求4大舉動認清誰是適合出遊好閨蜜

懶人恩物法國推出-3200煮食機械人十萬部火速被掃清


.

【立即讚好】全新 Yahoo 旅遊 Facebook 專頁

Yahoo 旅遊以全新樣貌登場,Facebook 專頁當然同時煥然一新!立即讚好,每日睇盡旅遊新資訊!