【空中奇事】驚喜定驚嚇?搞笑空姐匿行李架上迎賓!

坐飛機時登機,大家都例牌見到空服一員企兩邊,個個都好禮咁點頭歡迎。不過日前美國西南航空就有一位空姐,可能覺得平時咁做太悶,竟然將自己收埋係機上行李架到,同大家Say Hi,都唔知係驚喜定驚嚇!片段由一位乘客所錄,據講係美國內陸航班,鬼馬空姐將自己躺平於行李架之上,然後入面一位登機乘客Veronica仲懵然不足,到行李架下先見到空姐喺度,當堂嚇咗一嚇!唔少網民都話空姐夠搞笑,仲話覺得佢似啲貓貓,塞自己落啲罅位咁話。事後連西南航空官方都有出聲,大讚呢位空姐夠幽默,用自己方法去歡迎客人。相信只有外國航空公司先咁玩得,如果係亞洲地區咁做,一定畀乘客投訴都得啦!

美國西南航空真係玩得,官方回應都夠幽默。

乘客拍得空姐成個人躲於行李架上。

每位乘客經過,空姐就喺架上同人Say Hi。



相關文章:

滿滿都是duffy熊-中國東方航空-達菲-聯萌號-幸福啟航

退休生活-1蚊買屋-住瑞士人間仙境

同狗狗high-tea-酒店推人狗下午茶-狗狗食瑞典雪糕-狗曲奇




【立即讚好】全新 Yahoo 旅遊 Facebook 專頁

Yahoo 旅遊以全新樣貌登場,Facebook 專頁當然同時煥然一新!立即讚好,每日睇盡旅遊新資訊!