約旦古城最近發現 地底隱藏巨大祭典儀式台

無人機嘅發展的確一日千里,隨咗可以畀一般遊客用嚟拍攝之外,仲可以用喺好多唔同領域,幫助各行業發展,其中一樣就係考古學喇。話說約旦最出名嘅旅遊地佩特拉古城,附近原來隱藏住一個無人發現過嘅祭典台!佩特拉古城相信大家都會喺相片中見過,呢座於1812年被人發現嘅古城,估計建造年份為公元前一世約至二世紀之間,除咗一座巨大宮殿之外,仲有神殿及修道院等建築群,明顯係一座超過2千年嘅古代城市。今次喺古城外6平方公里外嘅地方,由無人機配合人造衛星協助下,發現一個56公尺乘49公尺嘅大平台,平台上原本應該尚一另一個較小嘅台階平台,旁邊曾經應有巨大石柱及另一高台。今次發現無疑係利用無人機後一個巨大成就,預計考古學家有周詳計劃後,就會開始慢慢發掘呢個平台,以後佩特拉古城有望再多一個旅遊點,而且仲證明埋藏喺地底之下,可能尚有更多未被人知嘅古城遺跡呀。

高空無人機拍攝到呢個平台嘅形狀,非常重大嘅一項發現。

佩特拉古城係中東著名古物建築,有超過2千年歷史。

佩特拉古城地底究竟尚有幾多未被人發現嘅古遺跡呢?

相關文章:

旅遊網站選出全球25國家代表美食 英國代表:消化餅?!  

沙地王室解禁 女人可以揸車!

再窮也要旅遊 六大理由說服自己

【立即讚好】全新 Yahoo 旅遊 Facebook 專頁
Yahoo 旅遊以全新樣貌登場,Facebook 專頁當然同時煥然一新!立即讚好,每日睇盡旅遊新資訊!