紐約將禁止用膠袋 同時玩埋「按膠樽」

環保係世界大趨勢,大家都見香港都突然興起「走塑」,包括多間快餐店都停止派發膠飲筒。目前全球唔少地方都實施膠袋徵費,不過只有少部分地區真係停用膠袋,但美國嘅紐約州似乎會加入呢個禁膠袋嘅大家庭,成為第一個全面禁膠袋嘅大城市!紐約州州長Andrew Cuomo於日前宣佈,會推動全州禁用一次性嘅膠袋,唔再允許商店使用膠袋;除止之外,亦會加入「按樽」費用,即係好似大家細個嗰陣咁,所有非酒精類飲品都會加上5毫子嘅費用,包括埋膠欂飲料,顧客飲完拎去畀商店退樽就可以拎返。香港人應該唔會對按樽陌生,估唔到一切回歸基本步,要再倒退返去按樽呢啲咁基本嘅行為之上。人類呀人類,真係要下下用到錢同立法先識得自動自覺去環保?

紐約州將實行全面禁用膠袋。

所有一次性膠袋都要正式禁用。

按樽唔單止係針對玻璃樽,仲有膠樽。

相關文章:

秋芳洞和山陰小京都津和野一日遊

十個世上最奇怪景點 陰莖、頭髮博物館係邊?

禁止巴士駛入景點 旅客要行入羅馬鬥獸場

【立即讚好】全新 Yahoo 旅遊 Facebook 專頁

Yahoo 旅遊以全新樣貌登場,Facebook 專頁當然同時煥然一新!立即讚好,每日睇盡旅遊新資訊!