紐西蘭登山遇雪崩 女子臉朝天獲救 旅行滑雪時 4招教你保命

冬天又到啦,好多人都會去旅行滑雪或登雪山,你又知唔知道遇上雪崩時,點樣保命呢?紐西蘭有名女子與2名登山嚮導一齊攀登希紐西蘭希克斯山(Mt Hicks)時,突然遇上雪崩。她因臉部外露得以呼吸,從而獲救,但同行2人不幸被雪活埋死亡。對於行生初哥來說,如果不幸遇上雪崩,大家又應該點做?出發前熟讀以下4招,絕對可以幫手保命。

1. 減輕自身重量

遇上雪崩第一件事係扔掉重物,減輕自身重量,當然救生設備唔掉得啦!第二,出盡全力跑去雪崩側面,千祈唔好企喺中心,中心的雪塌速度最快,量最多,好容易被活埋。

2. 手舉高過頭頂

被雪活埋後,將手舉高過頭頂,讓搜救者更容易搵到你。如果一個唔小心被埋得好深,在頭附近挖出空間,盡量延長呼吸時間,等待救援。

3. 捉實雪桿

如果唔小心被雪活埋,好多時滑雪桿都會穿過雪的表層,令求生者更容易被發現。所以去行雪山滑雪時,都要帶備雪桿,隨時救你一命。

4. 帶備救生設備

出發前要帶備救生設備,例如雪崩探測儀和接收器,透過發射信號,等救援隊搵到你。

相片來源:chrisbrinleejr@ Tumblr