終極浪漫之旅行求婚提案

求婚作為一生人一次嘅大事,好多人都會花盡心思務求希望可以比到另一半難忘嘅回憶,最近有位日本攝影師就係玻利維亞天空之鏡為佢嘅好朋友拍低咗求婚精彩嘅一刻,而男主角仲專登邀請咗一眾好友包括攝影師同行,仲係大家都唔知情嘅情況之下默默咁籌備呢一次嘅驚喜,攝影師朋友仲幫佢哋影低咗唯美照片,引起網友都紛紛留言表示羨慕。其實要籌備求婚真係好大工程,不過去旅行嘅時候把握機會求婚不失為一個唔錯嘅選擇,有需要嘅朋友不妨參考以下呢幾個方法。

1.溫馨低調型

如果對方係唔鍾意熱鬧嘅人,簡簡單單裝飾酒店房間,再準備有誠意嘅求婚小禮物,又或者直接book間靚嘅酒店房,都係唔錯嘅方法,可以嘅話不妨預訂溫泉房或絕境房,一定會令你地更加難忘。

2.到此一遊型

如果對方鐘意熱鬧,性格又比較外向熱情,不妨考慮係名勝景點前求婚,好似著住和服一日遊時求婚,一定可以拍下又靚又有紀念價值嘅求婚照。

3.先驚後喜型

如果對方熱愛當地文化,而且凡事願意嘗試,不妨準備一個大啲嘅驚喜,好似上網揾一啲街頭live band ,同佢哋夾定計,到時扮經過被邀請行埋去唱歌,然後突然求婚,夠曬心思。

4.浪漫至上型

如果對方浪漫至上,不妨考慮下個老套得來又work嘅方法,好似係沙灘漫步,再係日落時份來個求婚,再冷嘅冰山都會被你打動。

相片來源:simplybridal @tumblr