經濟艙起革命 新座位設計感覺似商務!

坐飛機從來都唔係令人享受嘅事,除非你係坐商務或者頭等艙;畢竟經濟艙又逼又窄,幾乎要掂住隔離位一樣,更談不上任何私人空間。不過日前有公司就專為經濟艙設計出一種新式座位名為「Interspace」,最大特色係座位背兩邊可以用手拉出靠墊,包圍住自己兩邊,唔單止可以畀乘客挨住休息、睡眠;同時仲形成一個小小個人空間,包圍住自己。座位用碳纖維製,重量好輕,好易拉出,而且唔會導致飛機重量增加。有此設計,全賴設計師Luke Miles,佢曾經於維珍航空任職座位設計總工程師3年之久,佢發現航空公司一般只會盡力設計如何令商務、頭等艙變得更舒適,反而最多人坐嘅經濟艙卻無投入任何人力去研究改善,因此佢先構思改革經驗艙座位,希望可以令旅客唔再視坐飛機係苦事,可以享受坐飛機嘅時間。不過暫時Luke Miles未公佈佢向邊啲航空公司推銷緊Interspace,因為畢竟要徹底更換經濟艙所有座位,都係一件相當費時費成本嘅事,未知會否有航空公司願意改革呢?

Interspace設計用上碳纖維,唔會增加飛機總載重量。
座位可將兩邊拉出,成為一對翼包圍自己。
經濟艙大改革,望落尤如商務艙一樣咁舒適!

相關文章:

日本自駕遊旅客太多-鎌倉市擬收過路費

2019年全球旅客達15億-2020年有暗湧

澳洲小鎮三年無雨落-以啤酒代水成另類景點


【立即讚好】全新 Yahoo 旅遊 Facebook 專頁

Yahoo 旅遊以全新樣貌登場,Facebook 專頁當然同時煥然一新!立即讚好,每日睇盡旅遊新資訊!