綿花糖溝雪糕 紅爆紐約 老闆係大陸新移民

踏入炎夏,走喺街上面真係汗疊汗,最啱係食一杯冰極雪糕啦!唔講唔知,原來喺紐約目前最火紅係一間名為「Ruimilk」嘅雪糕店,用上雪糕,加埋綿花糖,仲有閃燈星空於杯入面。由於綿花糖嘅造型非常特別,有唔少係可愛動物系列,連Hello Kitty都有,引起一眾食客嘅呃Like心態,令Ruimilk成為城中熱話,人人都要打咭呃Like。至於Ruimilk嘅老闆原來係大陸福州嘅新移民,2011年移民紐約,得悉韓國興起呢種「顏值」極高嘅飲料,於是去年7月引入,於皇后區嘅羅斯福大道開業,估唔到做到今年已經係人氣店,每日都大排長龍,正準備開分店,仲要人流最旺嘅曼哈頓呢!如果有機會去紐約,記得湊下熱鬧,呃下Like喇!

Ruimilk唧綿花糖造型百變,而且與時並進。

最近推出就有Hello Kitty造型!

Ruimilk成為打咭呃Like熱點!

相關文章:

台灣春水堂紅遍日本 珍珠奶茶比Starbucks賣多兩倍?

日本即買即試食!!7月必買期間限定百力滋

鬼船探險 攝影師偷入協和號郵輪殘骸影相

【立即讚好】全新 Yahoo 旅遊 Facebook 專頁
Yahoo 旅遊以全新樣貌登場,Facebook 專頁當然同時煥然一新!立即讚好,每日睇盡旅遊新資訊!