臥底清潔工大發現 用同一毛巾清潔廁所同浴缸?

相信平時大家住酒店,都會注重酒店嘅清潔程度,不過大家有冇諗過其實酒店清潔過程可以好嚇人,最近有一個英國電視台Channel 4記者Irina,以臥底嘅身份加入清潔服務集團ISS,當中就有唔少驚人嘅發現。

Irina 喺2017年12月加入咗ISS,係接受訓練之後,被分配到一間英國倫敦橋附近嘅Premier Inn酒店。 首先,Irina揭發公司對於員工嘅清潔速度有着苛刻嘅要求,無論係二人房三人房定四人房,都要求員工必須20分鐘內完成清潔,完全漠視員工嘅實際需要。當Irina 向經理表示佢冇可能喺20分鐘內完成四人房嘅清潔之後,經理竟然要求佢自己提早返工,以滿足公司20分鐘內完成清潔嘅規矩。

因為Irina 嘅清潔速度實在太慢,於是被經理分派到同一位號稱係最快手完成清潔嘅同事一組,恐怖嘅地方係,呢位同事之所以可以咁快完成清潔,全因為佢使用同一條毛巾完成整個洗手間嘅清潔,當中包括洗手盤、浴缸同埋馬桶,而且嗰條毛巾仲要係由上手客人留低嘅。當Irina 質問同事點解唔跟公司訓練嘅規矩,分開三條唔同毛巾清潔嘅時候,對方仲表示自己一向都係咁樣,仲話如果有人問起就話有跟足公司指引就OK喎。

唔單止咁樣,Irina 仲話呢一間清潔公司本來表示佢嘅時薪有7.5英磅,但除咗要應付負擔過重嘅清潔工作,佢哋每日仲需要開無薪會議,而且只有30分鐘嘅休息時間,有時甚至無休息過但都要「簽名」表示已經享用咗休息時段,所以除翻開佢嘅實際工作時間同埋薪金,其實佢嘅時薪只係得5英鎊一小時,低過當地最低工資。

對住種種政策上嘅不足同不公平,ISS就回覆指每一個步驟都有跟足公司嘅政策同符合法律,而且員工都經過嚴格嘅訓練先會開展工作,至於信邊個,大家就自己諗下啦。

英國電視台Channel 4記者Irina以臥底清潔工身份揭發ISS種種問題。

Morland Sanders就係清潔服務集團ISS嘅負責人。

Irina揭發Premier Inn酒店嘅外判清潔服務如此嚇人。

All pics from Channel 4

相關文章

2018情人節搵戲睇! 4套必睇浪漫外語片

新一年去邊玩好?十二生肖開運旅遊ideas,短線旅程也可增運!

旅行時5個令女友覺得幸福的簡單小事

【立即讚好】全新 Yahoo 旅遊 Facebook 專頁
Yahoo 旅遊以全新樣貌登場,Facebook 專頁當然同時煥然一新!立即讚好,每日睇盡旅遊新資訊!