自駕遊拍到傳說生物「幽靈駝鹿」 網民:快刪除

好多人去旅遊會選擇自駕遊,揸車自遊自在周圍影下相。一對夫婦日前於加拿大安大略自駕遊前往露營地之時,就罕有咁遇上傳說生物「幽靈駝鹿」!

原來呢種全白色嘅「幽靈駝鹿」,係平時嘅駝鹿但擁有罕見嘅毛色變異基因,可以話係萬中無一,由於全白色所以被稱為「幽靈」。呢對夫婦仲一次見到兩隻,可以話係極級幸運。片段放上網後好多網民都話好羨慕,話係畢生難忘嘅經驗。不過同時有網民就呼籲佢哋快啲刪除片段,怕會有不法分子去到該區捕殺幽靈駝鹿。由於加拿大有法例規定,任何駝鹿身上擁有超過50%係白色,就唔可以捕殺,因為係非常罕有。不過由於執法困難,所以基本上要偷獵一啲都唔難,希望呢對幽靈駝鹿快啲遠離馬路,返去森林之中,人類係好危險架,你知道嘛?

呢對夫婦好好彩於駕駛途中一次遇見兩隻幽靈駝鹿。

平時幽靈駝靈通常只會喺深山之中出現。

唔少人一世人都唔會見到一次,所以好多人好羨慕。

.

相關文章:

紐西蘭之旅:探索中土世界的秋天

恐成下一個冰島?馬爾代夫全國欠債達15億美金

日本寺廟加燈球!晚上搖身一變成舞廳


.

【立即讚好】全新 Yahoo 旅遊 Facebook 專頁Yahoo 旅遊以全新樣貌登場,Facebook 專頁當然同時煥然一新!立即讚好,每日睇盡旅遊新資訊!