航程又悶又難頂?坐飛機時4個令人驚喜的小確幸

早前美國佛羅里達州邁阿密一位女子Latsamy McAdoo,從曼谷搭曼谷航空前往蘇梅度假時,上機之後,發現自己係成班機唯一一個乘客,佢唔單止可以任揀座位,重可以無限量狂食機上食物同飲品。遇到呢個咁難能可貴的機會,Latsamy除了將過程拍下,佢重話「剛開始個陣,我覺得很興奮、很有趣,他們讓我在走道上跳舞、跑來跑去」

對於乘客嚟講,遇到呢個另類「包機」的機會真係微乎其微,但平時坐飛機大家又有無試過有其他開心的驚喜呢?好似以下呢4個Case,相信都係各位旅客的Bonus呢!

被Upgrade

試問有邊個唔想以最低的價錢,得到最高享受呢?正當Check In個陣,被地勤告知被選中Upgrade,心情真係靚晒。

整排座位都無人/後面無人

有時無咁好彩被Upgrade,但上到機發現乘客很少, 左右位又或後排位都無乘客,咁就可以光明正大佔用更多空間。

空姐好靚女/空少好靚仔

成程飛機咁悶,相信乘客都想望下靚野。如果空姐好靚女又或空少好靚仔,大家的眼球都會望不停,男士更可能借機認識對方。

免費坐到伸腳位

坐廉航,好多時都係清一色經濟位,但如果Check In個陣,地勤問你有無懷孕之類,繼而話你知被安排坐到加闊的緊急出口位,雖然行李要放上行李架,但至少雙腳比較好伸展。

相片來源:kasaihkd @tumblr