【英國買樓中伏】英國利物浦1英磅買豪宅!買家後悔不已

土地問題唔單止係香港先有,唔少國家都有好多年輕人面對高樓價而上唔到車;不過,同時間有好多地方係因為老化而無人住,唔少國家有見及此,就推出超平房屋畀年輕人買,畀佢哋上車之餘又可以活化舊區。英國利物浦Webster三角區就係其中之一,因為缺乏居民,當地政府以1英磅象徵式收費,吸引人買再搬入去。買家之一就係Mel同Rob呢對夫婦,用1英磅買咗一棟三層高大宅,仲用錢去裝修。點知到佢哋入住之後就非常後悔,因為成條街只有4戶人,其餘都係爛屋,無人入住。唔單止好似「鬼城」,一到入夜周圍都有不法分子出没,佢哋會入其他無人嘅屋到聚集,放煙火、吸毒等,令Mel同Rob一到夜晚就唔敢出街。Mel佢哋就話好後悔,想搬出去,但原來1英磅買屋嘅條件就係必須住5年,睇怕Mel同Rob都有排捱喇!

每棟3層高嘅住宅都只係賣1英磅,好吸引呀!

不過平日尤如鬼城,全街只有4戶人。

一到夜晚就有好多不法分子出沒流連,嚇親街坊。

相關文章:

秘魯新招保護動物-發展觀光不再捕殺

富士山開山兩條登山路線因意外封閉-登山人士點算好

此生必訪絕美秘境-2020合掌村冬季點燈時間



【立即讚好】全新 Yahoo 旅遊 Facebook 專頁

Yahoo 旅遊以全新樣貌登場,Facebook 專頁當然同時煥然一新!立即讚好,每日睇盡旅遊新資訊!