英國電話亭恐將消失 6內使用量減半

要數英國街頭嘅景象,經典嘅一定要數到紅色電話亭。唔少電影入面,電話亭都係場景之一,甚至有好多人用電話亭作為藝術裝置,可見電話亭有幾深入民心。不過現實係殘酷,問心,大家有幾耐無打過固網電話?莫講話用電話亭,簡直係史前遺物一樣。英國電訊機構Ofcom就公佈咗數字,近6年英國固網電話通話分鐘大減一半,由每年1,030億分鐘,減至540億分鐘。而另一方面流動電話通話分鐘則由每年1,320分鐘,增加至1,480分鐘。其實唔單止係固網電話少人用,某程度上係「電話」都好少人打,原來有25%人表示,從未試過主動打電話畀人,只用通訊軟件。Ofcom話由於固網電話式微,愈嚟愈多電話亭將會退役,而且唔會再維修,隨著地方嘅發展或者會直接拆除唔會轉移去第二度。可能不久嘅將來,紅色電話亭將會成為歷史呢。

紅色電話亭係英國嘅經典之一,但可能快將消失。

英國近6年固網電話通話分鐘減少咗一半。

唔少藝術裝置都用上電話亭,不愧為一代經典。

相關文章:

網友大數:「同港女去旅行慘過食X」全程黑口黑面、行多2步就攰

粉紅濱海大橋異國美景!台南五大夢幻系景點

新一年去邊旅行好?2019每月精選目的地(下)  

【立即讚好】全新 Yahoo 旅遊 Facebook 專頁

Yahoo 旅遊以全新樣貌登場,Facebook 專頁當然同時煥然一新!立即讚好,每日睇盡旅遊新資訊!