英磅換新鈔 頭像入選者有霍金及戴卓爾夫人

每個國家嘅紙幣上,都幾乎會印上該國家嘅領袖或者偉人,被印得上去嘅當然都會係家傳戶曉並且代代相傳,可以話係極具榮譽。英國就嚟緊會將50磅嘅紙幣,由紙鈔換成膠鈔,同時紙幣背面亦會重新印上新嘅頭像;目前嘅頭像係蒸氣機改良者James Watt及Matthew Boulton。目前中央銀行就篩選出992位英國偉人,而篩選標則係同舊鈔一樣要「對科學有貢獻」。當然目前大熱就係於去年離世嘅國際頂尖科學家霍金,呼聲可謂最高。不過另一邊廂連前首相「鐵娘子」戴卓爾夫人一樣入圍,原來佢除咗係一位政治家之外,同時佢係牛津大學化學系畢業生,最傑出嘅成就竟然係有份研究雪糕嘅乳化劑,成功改良雪糕,今日大家先可以無時無刻食到美味嘅雪糕呢!另外入圍嘅大熱人選仲有「電腦之父」Alan Turing、科學家Rosalind Franklin等。

目前嘅50磅鈔票即將退役,改成膠質鈔票。

講到科學家,英國當然首推霍金啦。

但原來戴卓爾夫人唔單止係政治家,仲係科學家出身!

相關文章:

一窺瑞士最美的山中藍寶:日光暖暖的厄希嫩湖Oeschinensee

2020年東京奧運準備在即 東京各界有咩攪作?

日本人禮儀多多 日本十大禮節 你知幾多項?

【立即讚好】

全新 Yahoo 旅遊 Facebook 專頁

Yahoo 旅遊以全新樣貌登場,Facebook 專頁當然同時煥然一新!立即讚好,每日睇盡旅遊新資訊!