英遊客馬爾代夫著比堅尼 被警方強拘捕 原因係?

馬爾代夫,所謂人間天堂,可以話10個女生去到9個都會著比堅尼,但大家又點估到日前有位英國女遊客,於馬爾代夫穿著比堅尼,竟然被警方強行拘捕!據報該名26歲女子係著住比堅尼行走於當地原居民居住嘅小島Maafushi,而該島本身無任何度假村,唔知呢位遊客點解上咗去,而且由於馬爾代夫係穆斯林國家,原住民都係回教徒,而女遊客仲大搖大擺走到大街上,甚至經過學校及清真寺,引起當地人報警。警察去到發現該女遊客疑似醉酒,要求佢著返衫不果,只能強拉走佢,並一邊用衣服希望蓋住佢。不過該女遊客不斷掙扎仲大叫「你們非禮我!」有人於旁邊拍低成個過程;後來女遊客被拘留兩小時後獲釋。馬爾代夫警方事後就表示歉意,希望呢位遊客下次再嚟過咁話。大家都要注意,去到任何地方都要尊重原住民同當地仰呢!

基本上每位去馬爾代夫嘅女生都會著上比堅尼。
事發經過被人拍下並放上網。
事發於原居民小島Maafushi,島上無度假村。

相關文章:

兩日一夜九州福岡郊外-太宰府柳川散策

經濟艙起革命-新座位設計感覺似商務

輕鬆行山增強免疫能力-香港行山路線推介


【立即讚好】全新 Yahoo 旅遊 Facebook 專頁

Yahoo 旅遊以全新樣貌登場,Facebook 專頁當然同時煥然一新!立即讚好,每日睇盡旅遊新資訊!