菲律賓總統拆招牌 鬧長灘島「是個化糞池!」

菲律賓狂人總統杜特爾特無論行事同言論都非常大膽直接,近日佢喺一個公開場合就菲律賓其中一個最大嘅旅遊景點長灘島,就發表佢嘅感想,就係:「長灘島是個化糞池!」點解阿總統突然咁樣拆自己招牌呢?長灘島係菲律賓第一潛水勝地,每年吸引過百萬人次遊客前往陽光與海灘,為菲律賓帶嚟龐大嘅旅遊收入。事關總統早排前往長灘島出差,見到大量海上垃圾,而且只離海灘約幾十公尺,非常嚇人,於是佢再補充「島上的垃圾及污水都排進海裡,一場災難正在發生,長灘島是個大的化糞池!」長灘島上嘅導遊組織亦即時回應,指的確喺長灘島嘅東部有垃圾問題,不過大家都努力解決中,希望總統息怒咁話。不過總統一於無情講,仲話明如果垃圾情況唔改善,半年之後直情要封島咁話!

長灘島每年為菲律賓帶來數千萬美金計嘅收入。

長灘島垃圾情況嚴重,尤其東部。

總統杜特爾特,出名講嘢直接,不留餘地。

相關文章:

【2018年宵】銅鑼灣維園年宵掃美食!$5熱狗+$40高級「1++」韓牛

旅遊必用4小招 令你輕鬆又方便

西藏未來3個月全部景點免買門票 車費半價!   

【立即讚好】全新 Yahoo 旅遊 Facebook 專頁
Yahoo 旅遊以全新樣貌登場,Facebook 專頁當然同時煥然一新!立即讚好,每日睇盡旅遊新資訊!