蟲患為禍 日本著名樹林恐將完全消失

大自然的確好偉大,為人類帶嚟種種巧奪天工嘅絕色,但同時擁有其不可抵抗嘅威力,可以極速摧毀所有呢啲絕色。好似日本山形縣嘅著名景點「藏王樹冰」就恐怕好快會消失。每年一到一、二月時,山形縣藏王連峰之上,幾百棵大白時冷杉(Abies Mariesii)就會因為樹面結冰,與地上嘅雪接連起嚟,形成極為寄突嘅「樹冰」,可以話全日本,甚至世界少有嘅奇景。但今年嘅樹冰卻未有出現,原來因為呢啲杉樹受蟲害影嚮。自2016年時當局已經發現杉樹上有木甲蟲,呢種長3cm嘅昆蟲會啃食樹幹。及至下年,發現藏王山頂60棵杉樹之中,就有45棵有木甲蟲繁殖。至2019年,再發現多60棵杉樹受害。由直升機嘅觀察所得,所有山頂嘅杉樹都已死亡,而且木甲蟲有蔓延趨勢,由山頂一路延伸出去山腰嘅杉樹,如果當局再唔搵到解決方法,藏王樹冰將完全消失呢!

好似日本山形縣嘅著名景點「藏王樹冰」恐怕好快會消失。

從遠處睇,全部樹都變成一棵冰樹,好壯觀。

山頂嘅杉樹已枯死,仲開蔓延至山腰。

相關文章:

巴黎樓價全球第四 全球酒店最貴5個目的地

秋芳洞和山陰小京都津和野一日遊

十個世上最奇怪景點 陰莖、頭髮博物館係邊?

【立即讚好】全新 Yahoo 旅遊 Facebook 專頁

Yahoo 旅遊以全新樣貌登場,Facebook 專頁當然同時煥然一新!立即讚好,每日睇盡旅遊新資訊!