豬年去日本寄明信片 用野豬代替豬?

農曆新年就到喇!嚟緊就會係豬年,相信一定有唔少關於豬嘅可愛產品出現,大家準備定荷包喇!話說日本都一樣會慶祝農曆新年,而且佢哋習俗係寄明信片,等親戚朋友一踏入下一年就收到寫滿祝願嘅明信片。今年日本突然出現大批人士湧去寄豬年明信片,原來係因為日本天皇明仁今年4月就會退位,亦即係表示「平成年」將會完結,所以今年嘅明信片係最後一年寫上平成年號嘅郵件喇!不過話時話,有唔少旅客都會去日本寄明信片,當然都會趁埋今次呢個新年機會,入鄉隨俗寄返張豬年明信片啦;但好多人會疑惑,因為日本人嘅「豬」年,所有豬都係清一色嘅「野豬」並非大家認知嘅粉紅色家豬喎,點解呢?原來有人話,古代時十二生肖傳入日本之時,日本未有養豬業,所以日本眼中只有野豬,一路以嚟就以野豬作為「豬年」嘅形象。而且喺日文嚟講,「豬」就係代表「野豬」,而大家眼中嘅家豬,就係「豚」,所以既然係叫「豬年」而唔係「豚年」,理所當然就繼續用返野豬作為代表喇!

日本人習慣新年會寄明信片畀親戚朋友。

日本嘅豬年明信片,全部都係野豬。

日本人嘅認知之中「豬」就係代表野豬呢。

相關文章:

2020年東京奧運準備在即 東京各界有咩攪作?

日本人禮儀多多 日本十大禮節 你知幾多項?

日本地鐵助推員 工作假期一樣可以申請 

【立即讚好】

全新 Yahoo 旅遊 Facebook 專頁

Yahoo 旅遊以全新樣貌登場,Facebook 專頁當然同時煥然一新!立即讚好,每日睇盡旅遊新資訊!