買機票入禁區送機?新加坡愛妻男或要坐監

大家都知,機場禁區係唔可以隨便進入,送機只能送到禁區外。不過新加坡一位27歲男子就愛妻深切,為咗要送太太機,特登買咗一張機票同太太一齊入禁區,然後送咗太太上機就諗住離開。最後竟然離開時被關員拘捕,原來佢嘅行為已屬違法,仲面臨最高兩年嘅監禁!

大家都以為自己真金白銀買機票入去禁區,但唔上機只係自己蝕,估唔到原來根據新加坡法例,買機票入禁區必須上飛機,因為旅客入禁區嘅唯一目的必須係「前往下一個目的地」,一旦唔係就屬違反「基礎設施保護法」,唔單止最高有兩年刑期,仲要罰款2萬坡紙(約12萬港元)。新加坡警方就出Post話,自今年起已經有33人濫用登機證被捕,其中有人係入禁區買免稅iPhone;並強調係違法行為,大家切勿以身試法!

新加坡樟宜機場日前拘捕一位27歲男子,因入禁區但唔上機違法。

旅客入禁區嘅唯一目的必須係「前往下一個目的地」。

新加坡警方就出Post話,自今年起已經有33人濫用登機證被捕。

相關文章:

觀光x環保-巴黎建全球最大屋頂農場-食新鮮蔬菜-睇靚景

文青必到-兩日-夜快閃遊泰-曼谷新興小文青區ari

用特權-伊朗搭的士變救護車


.

【立即讚好】全新 Yahoo 旅遊 Facebook 專頁

Yahoo 旅遊以全新樣貌登場,Facebook 專頁當然同時煥然一新!立即讚好,每日睇盡旅遊新資訊!