身體出現呢5個症狀 表示係時候旅行放鬆休息

香港人生活步伐急速,咩都講求快。打工仔成日都要OT,有時候甚至飯都唔得閒食。每星期的周末兩日假期不足以好好休息。問問自己,有幾耐無試過好好休息?有無好好聆聽身體發出的訊號?如果你身體出現下列症狀,就係時候放個長假好好休息,去旅行係時候了!

失眠

大壓力的你,夜晚會唔會在床上輾轉反側幾個鐘都瞓唔到?一晚失眠已經可以嚴重影響工作效率,更何況一星期幾次?如果已經試過唔同方法令自己入睡但都失敗,有無考慮去一個旅行放鬆自己?

腸胃不適

壓力大的時候,身體會發出不同訊號,腸胃不適就是其中一種。根據南佛羅里達大學的研究報告指,如果最近發現腸胃突如其來感到痛楚或者不適痙攣,有可能是你壓力過大。

食慾大增或不振

最近食量突然大增?咩都唔想食?又或者一時食好多一時食唔落?有可能因為壓力太大, 擾亂身體分泌激素和荷爾蒙。有研究顯示當人處於高壓狀態,大腦會誤以為人體即將面臨危險,所以會向身體發出警號,吸收更多營養,準備戰鬥。

容易生病

壓力大的你,有沒有發現自己容易病?壓力太大會導致人體免疫力下降,再遇上流感高峰期,打工仔容易中招。亦因為免疫力下降,本來幾日就會痊癒的感冒,可能需要一到兩星期才完全痊癒。如果你又發生以上情況,係時候要紓解壓力。

情緒起伏大

最近莫名其妙對身邊親友發脾氣,只要有小事不如意就一整日悶悶不樂?又或者放工後返屋企咩都唔想理,放假亦無意欲外出,對咩事都提唔起興趣?好明顯工作壓力或者其他事情已經嚴重影響你生活,需要好好休息了。

相片來源:Kinga Cichewicz @ Unsplash