【退休生活】1蚊買屋 住瑞士人間仙境!

之前講過世界唔少國家因為城市人口老化,於是有好多房屋遭棄置,當地政府就會以超平優惠賣畀肯嚟住嘅人。不過可以肯定咁講,之前嘅呢啲地方,無一個好似今次介紹呢度咁靚!講緊係瑞士山區小鎮Monti Sciaga,由於偏遠,多年前已經荒廢,無人居住,但當地古老石屋仍然於此。於是當地政府又以1蚊美金價錢出售,呢個地方可以話係絕色靚景,位處半山,前面就係Lago Maggiore湖,附近就係著名嘅San Salvatore雪山,住喺度簡直有如人間仙境一樣!呢啲古老石屋都大有來頭,名為Rustici,有過百年歷史,而想買屋都有條件,雖然售價只係1美金,但就會自己出錢維修,當地就話大家可以放心,雖然呢度偏遠,但地下引水設施依然用到,唔會真係要好似原始人咁生活喎。大家有無啲就退休想離開嘅朋友?呢度真係啱晒喇!

Monti Sciaga係山上嘅小鎮,已荒廢多時。

只要1蚊就可以買到一棟石屋,有居住權。

當地可以話係世外桃源一樣,避世好選擇!

相關文章:

味遊福岡-由布院-網紅推介3間必食餐廳

歐洲溫度創新高-外遊4招對抗熱流

中國叫停台自由行-台灣旅遊經濟喊苦

【立即讚好】全新 Yahoo 旅遊 Facebook 專頁

Yahoo 旅遊以全新樣貌登場,Facebook 專頁當然同時煥然一新!立即讚好,每日睇盡旅遊新資訊!