連酒店都有隱藏攝錄機? 4招教你防止被偷拍

近年唔少人都選擇以價格較低而且富有特色的民宿取代酒店,但有唔少民宿被爆裝有隱藏攝錄機監視租客一舉一動。以為酒店就一定安全?一樣有隱藏攝錄機偷拍!作為租客,究竟點樣先可以避免自己被偷拍?以下4招一定要記住!

檢查各個高危位置

煙霧器係最高危位置,因為煙霧感應器安裝於天花板,加上外層有保護罩,一般旅客最容易忽視。高危位置仲有燈位、通風口、燈掣、叉電位、牆角、空隙都一定要檢查。

熄燈檢查是否有奇怪光源

旅客入住後可以熄燈檢查,睇下有無奇怪光源例如紅、藍或綠光眨眨下,如果有,可能該位置藏有隱藏攝錄機。

用電筒照可疑位置

如果有懷疑,旅客可以嘗試以電筒或手機光源照射可疑位置,如果有光線反射,好可能係攝錄鏡頭反射的光。

瞓教熄晒燈

如果做好檢查都無發現,都建議瞓教要熄晒燈。因為一旦開燈,就係提供光源被偷拍。正所謂唔怕萬一只怕一萬,所以都熄晒燈瞓教喇。即使被偷怕,鏡頭亦只可以拍到房間漆黑一片。

相片來源:Macpsych@tumblr