遊客去羅馬被騙!兩碟意粉、一條魚索價近$4000?

作為旅客,去到異地人生路不熟,很易被當地人搵笨。最近有日本遊客係Twitter貼文,指自己去羅馬某餐廳用餐,點了兩碟意粉、一條魚,竟被收取349.98歐羅(約HKD$3000),另加80歐羅(約HKD$686)服務費,一共429.8歐羅,更被店員要脅不付帳就不準離開。結果事件引起當地關注,意大利公眾及旅客貿易部表示已要求警方介入調查。

去旅行唔被人當水魚咁屈,跟住以下5點,原則上可以幫你降低被騙可能性。

1. 跟當地人用餐時間食飯

每個國家的用餐時間都有所不同,像西班牙人的晚餐時間為晚上九點之後,奉勸大家入鄉隨俗,跟返當地的人用餐時間去用餐,一來餐廳的繁忙時間,店主或員工都無咁多時間呃你,二來無咁易暴露旅客的身分,減低成為目標的機會。

2. 唔好只睇Google第一頁

唔想被騙,最好避開熱門景點,做Research個陣唔好只睇Google第一頁,瀏覽一些冷門的小眾網站,去非遊客景點體驗真正當地人的文化。

3. 淡季旅行

騙子會看準旅行旺季「開工」,所以淡季出走有機會減低街頭兜售騙子,如夏天的布拉格滿街都是兜售的騙子。

4. 上網做定功課

出發前最好上網睇睇各旅客的分享,像是哪些地點最多騙子、什麼方式詐騙等,到時提高警覺。

5. 小心以英文呈現的東西

像是英文招牌、英文菜單等等,此時也是要小心一點,基本上就是針對旅客的旅遊熱門地。

相片來源:twitter@harukon_et