遊客增加 地中海海洋垃圾大增4成

地中海係世界各地唔少遊客嘅目標旅遊地點,因為佢充滿特色而且有各種歷史意義,難怪每年前往嘅遊客有增無減。但最近世界自然基金會就公佈一項吃驚嘅數字,就係近年嚟喺地中海出現嘅海洋垃圾大增40%!其中受影嚮最嚴重嘅包括土耳其、意大利、埃及、法國、西班牙,喺全部海洋垃圾之中,有9成係難以分解嘅塑膠,嚴重影嚮海洋生態,導致愈嚟愈多海洋動植物死亡。除咗早前新聞有講,發現多條鯨魚無故死去,後來發現肚入面全部都係塑膠!世界自然基金會仲話,好多人覺得保護地中海應該係歐洲諸國嘅責任,但其實中東、北非等國家一樣有相同嘅責任。而且仲話希望生產塑膠嘅廠商同埋零售商,要克制地使派發同使用,實行源頭減廢!

地中海沿岸唔少沙灘都見到大量海洋垃圾飄浮。

大量海洋生物因為垃圾而死亡,嚴重破壞生態。

唔少志願組織都出發喺地中海清理垃圾!

相關文章:

享受沙漠底下的奢華 Scarabeo Camp

恐怖程度CNN認證!世界上七大詭異禁忌之地

北京指「翠玉白菜」只算三級品,其實台北故宮「鎮館之寶」本來就不是它

【立即讚好】全新 Yahoo 旅遊 Facebook 專頁
Yahoo 旅遊以全新樣貌登場,Facebook 專頁當然同時煥然一新!立即讚好,每日睇盡旅遊新資訊!