遊客意大利遇溺 竟被奧運游泳名將救起!

天氣咁熱,特別係去到一啲沿海國家,當然要去下海灘消暑兼觀光啦!意大利嘅薩丁尼亞島就係其中一個歐洲著名海灘,每年有過萬人次去觀光游。不過游水都要注意風險,好似日前有一對同性伴侶前往海灘游水,45歲嘅Andrea Benedetto及Cala Sinzias喺海中央,坐住隻獨角獸水泡優哉悠哉;點知突然一陣強風,將成隻水泡吹反咗,Andrea由於不熟水性,高呼救命,而Cala雖然識游水,但都唔識點救起遇溺嘅丈夫,都只能一齊高呼求救。就喺呢個時候,海灘上一位泳客即時跳落水,游到Andrea身邊,幫手托住佢個頭等待救生員乘坐救生筏前往救起。後來大家先發現,呢位救人英雄,竟然就係37歲嘅前意大利奧運游泳名將,曾勇奪奧運銅牌及世錦賽金牌嘅Filippo Magnini!Andrea最後好彩無大礙,仲同救佢嘅英雄一齊合照,可謂最經典嘅旅遊遭遇。

薩丁尼亞島係其中一個歐洲著名海灘。

現年37歲意大利奧運名將,成為英雄。

薩丁尼亞島海灘有保安措施,設有救生員。

相關文章:

出走解壓-5大舒壓叉電旅遊地

飛機緊急出事點算好-3個逃生小tips你要知

富士山或興建登山鐵路-組織抗議擔心破壞聖山

【立即讚好】全新 Yahoo 旅遊 Facebook 專頁

Yahoo 旅遊以全新樣貌登場,Facebook 專頁當然同時煥然一新!立即讚好,每日睇盡旅遊新資訊!