遊日時小心失禮!日本女仔4大潛規則

正所謂入鄉隨俗,唔少人都知道去日本旅行有好多潛規則,除咗坐車唔好講電話、食壽司唔好噴香水等,但其實日本女生都有佢地的潛規則。如果女生們唔想失禮,不妨參考下呢下5個潛規則,扮下日本妹啦!

1.絕對唔會素顏出街

有時去旅行想放鬆下就會唔化妝,但日本女仔只要出門就會打扮自己,展現出最美好既狀態。有主婦就算係屋企都會化妝,以免突然有訪客上門。唔想標奇立異,去日本最好就化返個淡妝

2.甚少只穿吊帶出街

夏天去旅行大家都會要求輕便,吊帶背心相信係唔少女仔既選擇。但是對日本人黎講吊帶會露出好大面積既手臂、肩膀,顯得對身體好有自信,容易引黎路人目光,甚至招致冷言冷語,所以日本人都唔會咁做。

3.唔會喺公共場所化妝

對日本人黎講,係公眾場所尤其係車廂化妝真係十分冇禮貌!因為化妝品既味道或粉末會周圍飛,影響到其他人,污染環境,所以大家記得執好個樣先出街!

4.好閨蜜都唔會拖手

同閨蜜去旅行有時會好驚走散所以會拖手行,但日本女仔會驚俾人誤會係一對,所以會避免拖手,就算係情侶都會覺得「放閃」失禮,都好少拖手。

相片來源:(KZ1796055_TP_V@pakutaso)