過去4年共150位機師「醉駕」 印度機師質素存隱憂

睇廣告都日講夜講,酒後駕駛好危險;開車都咁危險,何況係動輒幾百條人命嘅飛機呢?日前印度航空(Air India)一位資深機長,就喺一班新德里飛倫敦嘅航班起飛前進行酒精呼氣測試,發現呈陽性反應,即係話執勤前12個鐘內應該飲過酒。由於該機師過往曾經都因為呢樣被停飛3個月,今次就被重罰吊銷駕照3年!不過事件引起嘅原來係成個印度嘅航空安全問題,根據印度政府嘅數字,過去4年就有超過150位機師被驗出有酒精而未能執勤。其實整個印度嘅航空安全喺全球排名中都不斷下跌,今年嘅評分更只有57分,比去年66分跌咗9分。事實上,唔少印度嘅航空公司因為請唔夠當場機師,被迫要將機師要求降低,導致有唔少「半桶水」機師出現,無論係技術上、經驗上或安全意識上都未必合乎國際要求。係未出大事之前,印度係好需要整頓一下機師質素呢!不過今個月月頭,日本航空一位機師都因為於起飛前未能通過酒精測試,導致航班最後由3位機師操作減至2位,事後日本航空高層更要開記者會全體90度彎腰致歉。

出事嘅印度航空一位資深機長。

唔少印度嘅航空公司因為請唔夠當場機師,被迫要將機師要求降低。

月頭時一位日本航空一位機師都因為於起飛前未能通過酒精測試。

相關文章:

一齊搭車行街食飯 人寵共融的瑞士

唔準摸貓唔準走近 由動物話事的貓café

[捷克] Český Krumlov - 庫倫洛夫,最好的童話小鎮模板

【立即讚好】全新 Yahoo 旅遊 Facebook 專頁
Yahoo 旅遊以全新樣貌登場,Facebook 專頁當然同時煥然一新!立即讚好,每日睇盡旅遊新資訊!