違反自然?絕種70年 印度欲重新放置獵豹於野外

野生動物因為人類而滅絕嘅個案屢見不鮮,更令好多瀕危絕種動物成為某啲國家重點保育對象,而同時亦係吸引遊客嘅賣點之一,例如中國大熊貓就係好例子。不過如果扭轉自然,將明明已於該國家絕種嘅動物,重新放到野外又如何呢?印度日前就話,希望將獵豹重新放入印度野外;印度獵豹早於二次大戰後已經滅絕,絕跡印度70年;印度希望重新引入野生獵豹,慢慢放置若干獵豹於野外合適環境,令佢哋重投印度戶外生活,可以於當地再繁殖。不過計劃都引起唔少反對聲音,包括有人重提上世紀印度就試過將絕種印度多年嘅獅子重新放入野外,但結果好快就因為被人盜獵而又再「絕種」。另一大問題就係一旦獵豹重新於野外出沒,會大大影響生態環境,甚至導致其他野生動物絕種;亦有機會入侵村民生活區域,對人或牲畜造成一定危險。

印度考慮重新置入絕跡70年嘅獵豹於戶外放生。
印度自二次大戰後,因打獵而導致野生獵豹絕跡印度。
有記錄而嚟印度就有200幾隻獵豹被殺。

相關文章:

2019年全球旅客達15億-2020年有暗湧

澳洲小鎮三年無雨落-以啤酒代水成另類景點

兩日一夜-保留日治時期風格-南投車埕老街初體驗


【立即讚好】全新 Yahoo 旅遊 Facebook 專頁

Yahoo 旅遊以全新樣貌登場,Facebook 專頁當然同時煥然一新!立即讚好,每日睇盡旅遊新資訊!