酒店滑水梯遭肥婦人撞 遊客肝臟破裂險喪命

夏天去旅行最開心就係去水上樂園玩,尤其係滑水梯,又刺激又涼快,爽歪歪!不過好多人以為呢啲遊樂設施無過山車、跳樓機咁危機,其實真正危險唔在於設施本身,係其他遊客呢!話說一位32歲嘅英國遊客,同佢兩個仔女跟團去土耳其,入住當地五星級酒店Liberty Lykia,大玩酒店中嘅水上樂園,佢喺滑水梯等候時,正準備滑落去之際,一位超肥嘅婦人竟然無等佢先滑完,就緊隨佢一齊滑,結果落水時被肥婦人撞到,緊急送院,佢之前就話當刻尤如被汽車撞到一樣,送院後發現肝臟破裂大量內出血,要緊急進行手術,留院足足8日先可以出院,醫生話佢幾乎無命。英國遊客事後向酒店投訴,因為酒店完全無安排任何工作人員監管滑水梯,任由遊客自己玩,非常危險。更慘嘅係由於佢被送去私家醫院,所以當中用咗5千英鎊嘅醫藥費都無法Claim保險!

出事嘅酒店水上樂園,欠缺工作人員監管。

未出事前嘅女事主,仲好開心咁曬太陽。

雖然執返條命,但都遺下多條手術後嘅傷疤。

相關文章:

昆士蘭海灘出現大批有毒水母 一星期刺傷13,000人

新一年去邊旅行好?2019每月精選目的地(下)

全球19個假日消費最平地方 土耳其葡萄牙入三甲?

【立即讚好】全新 Yahoo 旅遊 Facebook 專頁

Yahoo 旅遊以全新樣貌登場,Facebook 專頁當然同時煥然一新!立即讚好,每日睇盡旅遊新資訊!