阿姆斯特丹紅燈區或撤走露骨展示櫥窗? 亞洲3大紅燈區 搵住宿要注意!

去荷蘭阿姆斯特丹旅遊,唔少人都特意去紅燈區,望住女郎喺櫥窗內擺弄身姿,性感萬分。不過當局擔心遊客數目遠超嫖客,令性工作者以及附近居民嘅安全受到威脅,因此有意加裝窗簾同撤掉展示櫥窗。除咗阿姆斯特丹外,其實亞洲地區都不乏紅燈區。不過提下各位旅客(尤其係女性),搵住宿個陣真係要避開紅燈區,事關嗰到充滿黑暗,治安都無咁好,小心小心!

 

日本

日本的大型紅燈區,就係位於東京嘅歌舞伎町。除咗有卡拉OK、居酒屋外,呢到仲係男人嘅天堂,滿滿俱樂部及夜總會,旅人可支付唔同價位以選擇唔同嘅服務型態。不過,呢區就真係比較危險,聽講呢到部分成人玩樂場都係由黑道經營,所以住係附近小心隨時見到江湖打鬥!

新加坡

新加坡芽籠雖只有1公里長,但店鋪多樣性,飲食、教堂樣樣齊,同時亦係少有嘅合法紅燈區。呢到嘅性工作者都要攞到政府勞工部門頒發的工作證先可以做野,最多就只可以做2年,仲要隔月接受身體檢查。雖然芽籠算係比較安全嘅紅燈區,但老街區嘅雜亂都唔太適合女仔!

泰國

泰國就不用再多加說明,由於情色產業被當地政府允許,同時法律又承認第三性別存在,所以人妖秀、情色酒吧係泰國已經不足為奇!而泰國曼谷牛仔巷就係曼谷三大紅燈區,晚上特別熱鬧!如果你單純想揀間近夜市嘅住宿,呢到可能唔適合你。因為呢到嘅酒吧都係「辣妹酒吧」,美女隔住玻璃全裸跳舞,充滿挑逗。而且,由於係較有名氣嘅撩妹旅遊點,人流同環境都比較嘈雜。

相片來源:youcannotjustbethere-blog-blog @tumblr